السلام عليكم و رحمة الله و بركاته.
بسم الله الرحمن الرحيم
نبداء اول شرح للمدونة وهو:
دورة لشرح ادسنس من الصفر حتي الاحتراف حصريا
---------------------------------------------------------------------------------------------
نبداء الدرس الاول في هذه الدورة لشرح ادسنس
1- معني ادسنس ؟
ادسنس فرع من جوجل و هي زي وسيط كدا
بتاخد من المعلن الفلوس وبتديك الشفرات تجيب الزوار وتديك نسبه 68% وتاخد هى الباقى و22 يوم وتديك فلوسك ,
مش صعبه هيجي واحد مش فاهم يعني مثلا اي شركة عايزة تعرض اعلانات ليها مثلا سامسونج
ادسنس هتاخد الفلوس من سامسونج و تديلك الشفرة بتاعته الاعلان تحطها عندك و هتاخد نسبة 68% و ادسنس الباقي
2 - تحط الاعلانات ازاي ؟
بتديك شفره عباره عن اكواد ف الاكواد دى هتلاقى كود الناشر بتاعك ومساحه الوحده الاعلانيه وتبقى دى شفره من حسابك الى بتعمله هروح تركبها ف البلوجر مثلا من التخطيط هتروح تحطها ف القالب على طول ف النموذج العادى ولو ف المترقى هتحولها الاول و هبقي اعملها فيديو اوضح اكتر
3 - الاعلانات مش بتظهر عندي لي ؟
يبقي الحساب مستضاف يوتيوب يعني هتلاقى شفرات جواه اه بس مش هتظهر ولا على بلوجر ولا موقع تاني
او الحساب مستضاف بلوجر مش عادي
او الحساب وهمي و مش هيظهر في اعلانات
4 - الحساب الوهمي يعني اي ؟
يعني حساب مش هيظهر في اعلانات ولا هتقبض منه
طريقة مثلا بتعمل حساب مصري و يروح يبعه يقوله ده ادسنس مصري اهو ب 1000 ج
تعرفه ازاي ؟
مش هتلاقي فية نسبة ناشر خالص يعني محتوي " content " بس مفيش 68% ولا حاجة
5 - الفرق بين الادسنس الامريكي و المصري
الفرق الوحيد ان المصري هتاخد فلوسك بالدولار
لاكن الامريكي هتاخدها بسعر الدولار في البنك
يعني مثلا انت هتقبض الشهر ده 100 دولار لو الادسنس امريكي هتاخدهم بسعر الدولار في البنك اللي هو مثلا 11 ج يعني هتاخد 1100 ج
لو مصري هتاخد ال 100 دولار في ايدك و تبدلهم براحتك انت بقي سوق سوده بسعر الدولار هناك اللي هو مثلا 17 ج يعني هتاخد 1700 ج
لاكن كله بيتقفل محدش يقول المصري صعب يتقفل و الهري ده
6- نسبة النقر
النسبة بتتوزع علي الاعلانات اللي انت حاططها في الموقع كلها مش اعلان واحد ولو النسبه عندك ثابته ف النقر من الزوار بتزيد او تقل لما تحط اعلانات اكتر . . يعنى ايه الكلمه دى ؟
يعنى انت واحد حاطط اعلان واحد عندك ف الموقع مش مخالف وبراحتك عادى وجالك عالاعلان ده 10 نقرات لكل ميه زائر . . يعنى النسهب عندك 10% لو حبيت تقللها هتحط اعلان تانى هتلاقى النسبه اتقسمت على اعلانين بقت نسبه النقر 5 % لو حطيت تلاته هتلاقيها 3 % واخرك 3 اعلانات انت مش بريميوم
7 - يعنى ايه بريميوم ؟
علشان تقدم علي بريميوم لازم يكون معاك موقع بيجيله كل يوم ملاين الزيارات و شرعي
الاميل سعره 15 الف دولار اي حاجة ليها مميزات و ليها عيوب
مميزاته :
نشبة الناشر عندك 85% مش 68 % ,
تقدر تحط 30 اعلان عادي محدش يقدر يكلمك . بتكون ضامن القبض مش قلقان معاك دعم 24 ساعه لو طلبت اى حاجه او اى مشكله عندك بتتحل
عيوبة :
الخصم كبير يعني مثلا لو جبت 100 الف دولار هتاخد منهم 65 الف بس و لو اشتغلت مخالف هيتخصم اكتر من كدا
8 - يعني اي نسبه العرض النشط
لو انت حاطط 3 اعلانات ف موقعك مثلا واعلانين ظاهرين فوق واعلان تحت هو مشافهوش وقعد ف الموقع 10 ثوانى والاعلانات ظهرتله بعد 5 ثوانى يبقى نسبه العرض النشط عندك تقريبا 40-45%
طبعا النسبة دي لو قلت عن 15% الاميل هيتقفل لان ناس كتير مش بتاخد بالها
في المضمون انها تكون 55% و لو اكتر عادي كله خير
تعليها ازاي ؟ بالمحتوي لازم المحتوي بتاع الموقع يشد الناس و يخليها تاخد اكبر وقت في الموقع
9- اضمن القبض ازاي
واحد سألني السؤال ده من يومين
مستحيل تضمن القبض لان مفيش مقايس ممكن تبقي شغال شرعي و يتقفل برضو
10 - ازاى اشد الزائر لموقعى
الاجانب معروف دماغهم بتتشد ل اي هاو تو ميك بس ده احسن حاجه هاو تو ميك اى حاجه اضرب ممول ب 50 دولار هاتهم ف ادسنس الف لو موقعك كويس عائد عالى و حاجة كويسة
العرب بقي
لو بيدجات : اولا هتشوف نوعيه صفحتك ايه يعنى متبقاش صفحتك فنيه وتنشر اخبار دينيه او تقافيه وتنشر فنانين لا انشر جاده ليها علاقه بالماتريال بتاع صفحتك نفسها ولو صفحه فنان تنشر اخبار عن الفنان وده سهل واكيد معروف
الممول بقي انت هتشوف اصلا هتمول لبلاد ايه يعنى لو مثلا دول عربيه هتفتح الاخبار وتشوف التريند النهارده ايه يعنى ايه تريند ؟ يعنى مثلا قضيه بيع الجزيرتين للسعوديه ده التريند الى ف مصر حاليا يعنى الموضوع الى شغال الكل هتلاقى تريند ف الاردن تريند ف ليبيل اشتغل عالترندات دى
لو مفيش اخبار والاخبار عاديه هم النوعين دول الى هينفعوا معاك :
1 - الجن و العفاريت و ادخل علشن تشوف دخول طلع تعبان 10 متر من بطن واحدة و الشغل ده
2 - العجائب والغرائب وبنت عندها 12 عين والجو ده
حاجة تانية بقي ادخل هنا علشان تشوف مين اخر 5 زارو بروفايلك و شريك حياتك و الشغل ده ده انت هتعمل علية ممول ب 5 دولار مثلا هتلاقي الناس بتدخل و بتعمل شير علشان صاحبهم يشوفوا النتيجة بالتالي هيدخلوا هما كمان و كله يبقي في اعلانات و تكسب انت بس لازم تحط حاجة جديدة تشد الناس
11- الخصم الكبير
لو شغال علي حساب عادي و بيخصموا منك كتير
ده معناه انك شغال مخالف و حاطط اعلان مخفي و ده من اوسخ انواع المخالفه
او شغال مخالف اي حاجة تانية و ده لازم يتخصم منه .
------------------------------------------------------------------------------------
